कोणाच्या तरी मनात घर करून राहता आले तर पहा,
कोणावर प्रेम करता आले तर पहा,
स्वःतासाठी सगळेच जगतात,
जमलचं तर दुसऱ्‍यासाठी जगुन पहा,
वेलीला ही आधार लागतो,
जमलचं तर एखाद्याच्या मनाला आधार देऊन पहा.

मुरादमन

स्वछंद बेधुंद हे क्षण
नि बरसले आनंदघन
आज आत्ता एवढ्यात
कसे हरकले “मुरादमन”
कालचे कशाला सांगायचे
उद्याचे उद्याला बघायचे
आज आत्ता एवढ्यात
“मुरादमन” जगायचे…
———————————-
कवी: सचिन कृष्णा निकम

तिच्या प्रेमात पडतांना

तिला प्रेमात पाडायचं राहून गेलं
तोंड दुखेपर्यंत बडबडलो
पण हवं ते सांगायचं राहूनच गेलं.

तिनं माझ्या नजरेतून जग पाहिलं
तिच्या नजरेला नजर भिडवतांना
तिला डोळ्यात साठवायचं राहूनच गेलं.

तिच्या हाताचा, ओढणीचा,
स्पर्श हवाहवासा वाटतो
सांगेन तिला कधीतरी म्हणतांना
हा विषय काढायचं राहूनच गेलं.

हसत राहीलो, हसवत राहिलो
तिला दरवेळी, दर भेटीला.
तिच्या हसण्यामागचे अर्थ शोधतांना
माझ्या हसविण्याचा मतितार्थ सांगायचं राहूनचं गेलं.

ती आली की
वेळही उडून जायचा मला न समजता.
पण,
त्या दिवशी ती आली आणि निघाली
त्यावेळी तिला नेमकं अडवायचं राहून गेलं…