नातं तुझं अन् माझं
अतूट विश्वासाचं
पाझरू दे त्यात
गाेड हास्य प्रीतीचं
बागडू दे नात्याला
स्वच्छंद आकाशी
गाठू स्वप्नांना या
बाळगून उराशी
असू देत विश्वास
अापुल्या या प्रीतीत
न्हाऊन या अंगणी
दरवळू या मातीत।

कुणाच्या भावना दुखावतील
असं कधी वागलोच नाही मी
बोललोही असेल कदाचित गमतीने
पण कुणाला दुखवणारा नाही मी
काचासारखा पारदर्शी आणि
पाण्यासारखा निर्मळ मी
पारा लावला तर तुम्हीच दिसणार
रंगहीन मी तुमच्या रंगात मिसळणार
असाच आहे मी खोडकर विनोदी
झालो नाही मी स्वार्थी कधी
सर्कस मधला जोकर आहे मी
रडत असलो तरी हसवत राहणारा मी
दुःख मनाला झालं की
कोपऱ्यात जाऊन रडणारा मी

रात्री जागून विचार करणं प्रेम नसतं
स्वप्नात तिच्यासंगे जगणं प्रेम असतं..
हातात हात धरुन चालणं प्रेम नसतं
ती नसताना तिचं असणं प्रेम असतं..
गुलाबाचं फुल देणं प्रेम नसतं
पाकळीसम तिला जपणं प्रेम असतं..
तिला हसवणं म्हणजे प्रेम नसतं
तिच्या सुखात आपलं हसणं प्रेम असतं..
तिला नेहमी सावरणं प्रेम नसतं
तिच्यासंगे कधी रडणं सुध्दा प्रेम असतं ..

हरवले होते ते स्वप्न माझे
जे तुझ्या रुपाने परत मिळाले,
रुसले होते ते प्रेम माझं
जे तुझ्या साथिने परत आले,
प्रेम करावं कि नाही अस सदाहि वाटत होतं
पण तुझ्या सुंदर प्रेमाने मला शेवटी करावेच लागले,
तुच आहेस त्या स्वप्नाना जागवणारी,
तुच आहेस त्या रुसलेल्या प्रेमाला हसवणारी,
रडत तर मि फक्त एका आठवणीनेच होतो
पण तुझ्या रुपाने ते परतुन आले॥

डोळे पुसायला कुणीतरी असेल तर
रुसायला बर वाटत ………
ऐकणारे कुणीतरी असेल तर
मनातल बोलायला बरे वाटते …..
कौतुक करणारे कुणीतरी असेल तर
थकेपर्यंत राबायला बर वाटत …….
आशेला लावणार कुणीतरी असेल तर
वाट बघायला बर वाटत ………..
आपल्यासाठी मरणार कुणीतरी असेल तर
मरेपर्यंत जगायला बर वाटत ………..!

काही भाव बोलून जातात,
तो अर्थ प्रत्येक शब्दात नसतो.
ओली हवा धूंद करते,
ती साद नुसत्या हवेत नसते.
काही नाती ओढ लावतात,
ते प्रत्येक नाते प्रेमाचे नसते.
प्रत्येक नाते प्रेमाचे हवे,
अशी काहीच गरज नसते,
तर प्रत्येक नात्यात प्रेम असावे,
याला खूप महत्व असते..