Lasanachi Shev Recipe

---

21. लसणाची शेव

साहित्य
– ४ वाट्या डाळीचे पीठ
– ३ चमचे तिखट
– १/४ चमचा हळद
– १ चमचा मीठ
– १/४ चमचे हिंग
– ३ चमचे तेलाचे मोहन
– १ चिमुट सोडा
– १ चमचा जिरे
– १/२ चमचा ओवा
– १०-१२ लसुन पाकळ्या
पद्धत
– सर्वप्रथम जिरे, ओवा व लसुण मिक्सरमध्ये बारीक वाटावे.
– परातीत पीठ घेऊन त्यात हळद, तिखट, मीठ, हिंग, सोडा एक करावे.
– तेल कडकडीत तापवून पिठात ओतावे व एकत्रित करावे. नंतर त्यात वाटलेले लसुण, जिरे, ओवा एक करुन कोमट पाण्यात पीठ भिजवावे.
– शेवेच्या साच्यात पीठ भरुन कढईत तेल चांगले तापल्यावर मंदआचेवर शेव तळून घ्यावी.
– दोन्ही बाजूंनी शेव गुलाबी व कुरकुरीत झाली कि झाऱ्याने शेवेची चकती बाहेर काढून तेल निथळवावे व पेपरवर टाकावी.
– याप्रमाणे सर्व शेव करावी आणि नंतर हाताने कुस्करुन डब्यात भरावी.
– तयार शेव खाण्यासाठी सर्व्ह करा.